Мулоқоти Н.Абдуллоев бо сафири Озарбойҷон
Душанбе, 12 март. (АМИТ «Ховар»). – 11 март дар шаҳри Душанбе мулоқоти раиси Суди Олии Ҷумҳурии Тоҷикистон Нусратулло Абдуллоев ва Сафири Ҷумҳурии Озарбойҷон дар Тоҷикистон Аббосалӣ Ҳасанов баргузор гардид. Тавре ки аз Сафорати Ҷумҳурии Озарбойҷон дар Тоҷикистон хабар доданд, зимни мулоқот масоили ҳамкории миёни Озарбойҷону Тоҷикистон дар бахши фаъолияти судӣ ва рушди муносибатҳои байни сохторҳои дахлдори ҳар ду кишвар мавриди муҳокима қарор гирифтанд.Аббосалӣ Ҳасанов аҳамияти рушду густариши ҳамкорӣ ва табодули таҷрибаи ниҳодҳои судии ҳар ду мамлакатро қайд намуд. Дар ҷараёни мулоқот аҳамияти соли гузашта ба Озарбойҷон ташриф овардани Президенти Ҷуҳурии Тоҷикистон Эмомалӣ Раҳмон зикр гардид. Сафир қайд намуд, ки дар ҷараёни сафари Президенти Ҷумҳурии Тоҷикистон бисёр масъалаҳои муҳим баррасӣ ва ҳал шуданд. Баъди пайдо намудани истиқлолият дар Озарбойҷон ислоҳоти судӣ рӯи кор оварда шуд, ки мақсад аз он ба сатҳи боз ҳам баландтар бардоштани фаъолияти он мебошад. Табиист, ки Тоҷикистон дар ин росто таҷрибаи зиёде андӯхтааст.Нусратулло Абдуллоев дар навбати худ аз дастовардҳои фаъолияти судии Ҷумҳурии Тоҷикистон нақл кард.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






