Мулоқоти сарони давлатҳои Тоҷикистону Покистон
Душанбе, 20 март. (АМИТ «Ховар»).-Бегоҳии рӯз Президенти Ҷумҳурии Тоҷикистон Эмомалӣ Раҳмон дар шаҳри Ашхобод бо Президенти Ҷумҳурии Исломии Покистон Осиф Алӣ Зардорӣ мулоқот намуд.Дар вохӯрӣ доир ба паҳлӯҳои гуногуни робитаҳои Тоҷикистону Покистон гуфтугӯ сурат гирифт.Эмомалӣ Раҳмон бо таваҷҷуҳи хоса ба рушди ҳамкории иқтисодию тиҷоратӣ изҳор дошт: “Тоҷикистон майлу кӯшишҳои Покистонро ба фаъолияти бештар дар доираи Созмонҳои ҳамкории иқтисодӣ ва исломӣ ҷонибдорӣ менамояд”.Аз густариши робитаҳои иқтисодии ду кишвар, аз ҷумла дар сатҳи соҳибкорону тоҷирон, ифтитоҳи бахши Бонки миллии Покистон дар шаҳри Душанбе ва тамоюли бозшавии намояндагиҳои тиҷоратии Тоҷикистон дар шаҳрҳо ва бандарҳои баҳрии Покистон изҳори қаноатмандӣ карда шуд.Густариши ҳамкорӣ дар бахшҳои энергетика, саноати коркарди маҳсулоти кишоварзӣ, истеҳсоли маводи кимиёвӣ, тиббӣ, ресандагию бофандагӣ ва маводи ғизоӣ дорои манфиати зиёд барои ҳарду кишвар арзёбӣ гардид.Аз рушди ҳамкории босамари хадамоти махсус, сохторҳои низомӣ ва ҳифзи ҳуқуқи Тоҷикистону Покистон, аз ҷумла барои пешгирӣ аз амалҳои террористию ифротгароӣ низ изҳори хушӣ карда шуд.Гуфтугӯи судманд, ҳамчунин доир ба авзои кунунӣ ва ояндаи Афғонистон ва ҳам дигар мавзӯъҳои минтақавӣ сурат гирифт.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






