Мулоқоти Ш.Хайруллоев бо В.Герасимов
Душанбе, 15 март. (АМИТ «Ховар»). – Имрӯз мулоқоти вазири мудофиаи ҶТ Шералӣ Хайруллоев бо сардори Ситоди кулли Қувваҳои мусаллаҳ, муовини аввали вазири мудофиаи Федератсияи Русия Валерий Герасимов баргузор гардид. Тавре ки аз маркази иттилоотии Вазорати мудофиаи Ҷумхурии Тоҷикистон ба АМИТ «Ховар» иттилоъ доданд, зимни мулоқот оид ба татбиқи қарордодҳои байни вазоратҳои мудофиаи Ҷумҳурии Тоҷикистон ва Федератсияи Русия ҷиҳати амалӣ кардани созишномаҳо байни Тоҷикистону Русия, оид ба мақом ва шароити ҳузури пойгоҳи низомии Русия дар ҳудуди Тоҷикистон аз 5 октябри соли 2012 сухбати қобили қабул баргузор гардид. Инчунин масоили ҳамкориҳои дуҷонибаи низомӣ байни Вазоратҳои мудофиаи Тоҷикистон ва Русия дар соҳаи омодасозии кадрҳои низомӣ, мубодилаи иттилоот ва мусоидат дар бахши мубориза бар зидди терроризми байналмилалӣ баррасӣ шуданд. Зимни сафари худ В.Герасимов инчунин бо сардори Ситоди кулли Қувваҳои мусаллаҳи Тоҷикистон, муовини аввали вазири мудофиаи ҶТ Рамил Нодиров мулоқот кард. Зимни мулоқот ҷонибҳо оид ба доираи васеи масъалаҳое, ки манофеи мутақобила ва байналмилалиро дар бар гирифтаанд, мубодилаи афкор намуданд.
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
