Мулоқоти судманди Р. Раҳимов бо Э. Сюзан
Душанбе, 14 март. (АМИТ «Ховар», Баҳманёр Муродов).-Имрӯз, 14-уми март вазири корҳои дохилии Тоҷикистон Рамазон Раҳимов бо сафири Иёлоти Муттаҳидаи Амрико дар кишвар Эллиот Сюзан ва мушовири калон оид ба масоили мубориза бар зидди маводи мухаддир ва ҳифзи тартиботи ҳуқуқии ин сафорат Денис Костроу мулоқот кард.Сомонаи расмии ВКД иттилоъ додааст, ки дар ҷараёни суҳбат тарафҳо масоилеро чун эҳтимоли сар задани хатарҳо ва таҳдидҳо баъди баровардани нерӯҳои ТҲАШ (НАТО) аз Афғонистон, мубориза бар зидди терроризм, экстремизм ва маводи мухаддир мавриди баррасӣ қарор доданд. Ҳамчунин ба иттилои манбаъ Рамазон Раҳимов ва Эллиот Сюзан атрофи лоиҳаи «Стратегияи ислоҳоти милитсияи Тоҷикистон барои солҳои 2013-2020» ва лоиҳаи Қонуни Ҷумҳурии Тоҷикистон «Дар бораи политсия» табодули назар карда, дар ин росто сафири ИМА иброз намудааст, ки онҳо омодаанд баъди ба имзо расидан дар амалӣ кардани ин лоиҳаҳо кӯмак расонанд.Дар фарҷом тарафҳо аз ҳамкориҳои мутақобилан судманди ду кишвар ёдовар шуда, изҳори боварӣ намуданд, ки муносиботи Амрикову Тоҷикистон дар оянда рушду такомули бештар хоҳад ёфт.
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
