Мулоқоти вазири кишоварзӣ бо сафири Туркия
Душанбе, 15 март. (АМИТ «Ховар», Баҳманёр Муродов).-Вазири кишоварзии Тоҷикистон Қосим Қосимов бо сафири Туркия дар кишвар Меҳмет Мунис Дирик ва координатори барномаи ТИКО дар Душанбе Абдуллоҳ Сарӣ мулоқот анҷом дод. Бино ба иттилои хадамоти матбуоти Вазорати кишоварзӣ дар оғози суҳбат Қосим Қосимов аз ҳамкориҳои судманди дуҷонибаи Тоҷикистону Туркия дар бахши кишоварзӣ изҳори қаноатмандӣ намуда иброз дошт, ки дар давоми соли 2012 додугирифти молии Тоҷикистону Туркия ба 600,6 миллион доллари амрикоӣ расида, аз ин миқдор ба маблағи 493,4 миллион доллар аз Туркия ба Тоҷикистон ва ба маблағи 107,2 миллион доллар аз Тоҷикистон ба Туркия маҳсулот ворид шудааст.Ҳамчунин Қосим Қосимов аз ҳамкорӣ бо Агентии ҳамкорӣ ва рушди Туркия (ТИКА) ёдовар гардида, зикр намуд, ки бо ташаббуси ин агентӣ дар давоми солҳои 2011-ум ва 2012-ум чандин мутахассисони Вазорати кишоварзӣ дар Туркия аз курсҳои такмили ихтисос гузаштанд. Ҷонибҳо дар анҷом изҳори боварӣ намуданд, ки дар оянда низ муносиботи Тоҷикистону Туркия дар бахшҳои иқтисоду савдо рушд хоҳад кард.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
