Мусобиқаи ҷумҳуриявӣ миёни маъюбон

Душанбе, 18 март. (АМИТ «Ховар», Зарангез Латифова).-Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади тарғибу ташвиқи варзиш миёни маъюбон 30- 31 марти соли равон дар ноҳияи Ҳисор мусобиқаи ҷумҳуриявии бадминтон, шоҳмот ва шашкаро байни варзишгарони маъюб доир менамояд. Дар мусобиқа варзишгарони синни то 22 сола аз вилояти Хатлон, Суғд, ВМКБ, минтақаи Кўлоб, шаҳри Душанбе, водии Рашт ва шаҳру навоҳии тобеи марказ ширкат хоҳанд кард. Ғолибону ҷоизадорон бо ифтихорномаву медалҳои Кумитаи ҷавонон, варзиш ва сайёҳӣ ва туҳфаҳои хотиравии мақомоти иҷроияи маҳаллии ҳокимияти давлатии ноҳияи Ҳисор қадрдонӣ мешаванд.