Нашри намунаҳои назми тоҷик дар Беларус

Душанбе,7 март. (АМИТ «Ховар», Баҳманёр Муродов).-Маҷмӯаи ашъори шоирони муосири тоҷик бо номи «Пад зоркай Рудаки» (Бо чашми Рӯдакӣ) дар Беларус ба нашр расид. Ин китобро нашриёти «Звезда»-и Минск интишор карда, ба он адабиётшиноси маъруф Алес Карлюкевич пешгуфтор навиштааст. Гуфта мешавад дар ин маҷмӯа беҳтарин намунаҳои назми муосири тоҷик аз ашъори Муъмин Қаноат, Гулназар, Аскар Ҳаким, Сайидалӣ Маъмур, Камол Насрулло, Раҳмат Назрӣ , Низом Қосим, Фарзона, Зулфия Атоӣ, Ҳадисаи Қурбон ва Нуқраи Суннатниё гирд оварда шудаанд. Намунаҳои назми муосири тоҷикро мутарҷимон Владимир Морук, Микола Черноутский, Анатол Закай, Казимир Камейша ба забони беларусӣ тарҷума кардаанд.