Наврӯз дар Минск

Душанбе, 27 март. (АМИТ «Ховар»). – Бо ибтикори сафоратҳои Ҷумҳурии Тоҷикистон, Ҷумҳурии Қазоқистон ва Ҷумҳурии Туркманистон дар пойтахти Ҷумҳурии Беларус шаҳри Минск ба ифтихори Наврӯзи оламафрӯз маҷлиси идона баргузор гардид. Меҳмонон аз ҷумлаи намояндагони корпуси дипломатӣ, сиёсатмадорон, аҳли тиҷорат, намояндагони илму фарҳанг, роҳбарияти Кумитаи иҷроияи ИДМ, намояндагони Парлумон ва Ҳукумати Ҷумҳурии Беларус, вазорату идораҳои ин кишвар, ҷамоаҳои миллии се кишвар бо таърихи иди Наврӯз ва аҳамияти ҷаҳонии он ошноӣ пайдо карданд. Сафирони Тоҷикистон, Қазоқистон ва Туркманистон зимни суханрониашон ҳамватанону меҳмононро бо иди байналмилалӣ муборакбод карда, аҳамияти таърихӣ ва роҳи рушду камолоти Наврӯзро зикр намуданд.