Наврӯзи адибон гирди гулхани фурӯзон

Душанбе, 19 март (АМИТ «Ховар», Баҳманёр Муродов).- Имрӯз, 19 март аҳли адаби кишвар Наврӯзи ориёиро дар саҳни бинои Иттифоқи нависандагон, дар гирди гулхани фурӯзон таҷлил карданд. Маҳфили наврӯзиро бо сухани ифтитоҳӣ раиси ИН Меҳмон Бахтӣ оғоз карда, қаламкашони кишварро бо ин ҷашни ориёӣ таҳният гуфт ва зикр намуд, ки барои ҳар як адиби тоҷик мояи ифтихор аст, ки ин ҷашни аҷдодии моро ҷаҳон эътироф карда ва месазад, ки дар васфи Наврӯзу зебоиҳои он беҳтарин осори адабиро иншо кард. Баъдан шоирони маъруфи кишвар Камол Насрулло, Раҳмат Назрӣ, Низом Қосим, Фархунда бо ашъори худ васфи Наврӯз карданд.