Номаи Палатаи савдои Куба унвонии ПСС ҶТ

Душанбе, 1 март. (АМИТ «Ховар», Покиза Маҳмадбекова). — Палатаи савдои Ҷумҳурии Куба ният дорад, ки бо Палатаи савдо ва саноати Тоҷикистон ҳамкорӣ намояд.Тавре ки аз маркази матбуоти ПСС ҷумҳурӣ ба АМИТ «Ховар» хабар доданд, аз номи президенти Палатаи савдои Куба Эстрел И. Мадригал Валдес ба Палатаи савдои Тоҷикистон барои ҳамкорӣ номаи сипосгузорӣ ирсол гардида, дар он изҳори умедворӣ карда мешавад, ки ҳамкории ҳар ду палата дар оянда муваффақона рушду густариш хоҳад ёфт. «Мо барои афзун намудани натоиҷи бадастомада ва расидан ба ҳадафҳои судманд ба нафъи халқу кишварҳоямон саъю кӯшиш менамоем», — гуфта мешавад дар нома.