Оғози кишту кори баҳорӣ

Кӯлоб, 27 март. (АМИТ «Ховар», Ф. Мадаминов). – Заҳматкашони ноҳияи Кӯлоб имсол ният доранд, ки дар майдони 4000 га пахта кишт намоянд, ки ин нисбат ба соли гузашта 732 га бештар аст. Ҳамзамон дар хоҷагии деҳқонии ба номи Давлат Назаров кишти баҳорӣ сар шуд. Хоҷагии мазкур дар ихтиёри худ 151 га замин дорад. Деҳқонони хоҷагӣ ният доранд дар 100 га замин пахта кишт намоянд ва заминҳои боқимондаро барои кишти сабзавоту полезиҳо тайёр намуда истодаанд. Кишти баҳорӣ дар саросари шаҳри Кӯлоб идома дорад.