Оғози сохтмони терминали нави мусофирон
Душанбе, 19 март. (АМИТ «Ховар», Кристина Эрлих). – Имрӯз, 19 март, дар шаҳри Душанбе маросими ботантанаи гузоштани санги сохтмони терминали нави мусофирони фурудгоҳи байналмилалии шаҳри Душанбе баргузор гардид.Дар ин маросим вазири нақлиёти Ҷумҳурии Тоҷикистон Низом Ҳакимов зимни суханрониаш зикр намуд, ки терминали нав нафақат ба рушди ҳавопаймоии байналмилалӣ мусоидат мекунад, балки пойтахти Тоҷикистонро бо чунин иншооти муосир низ таъмин менамояд. Мувофиқи суханони Сафири Фаронса дар Тоҷикистон Диде Леруа, терминали оянда ба меъёрҳои ҷаҳонӣ ва манофеи иқтисодии Тоҷикистон ҷавобгӯ буда, ба рушди ҳавопаймоии нақлиётии ҷумҳурӣ ҳам мусоидат мекунад. Дар маросими оғози сохтмони терминали нави мусофирон вазири нақлиёти ҶТ Низом Ҳакимов, Сафири Фаронса дар Тоҷикистон Диде Леруа, директори генералии фурудгоҳи байналмилалии шаҳри Душанбе Рустам Холиқов, ҳамчунин намояндагони Дастгоҳи иҷроияи Президенти ҶТ ва васоити ахбори омма ширкат доштанд.
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
