Оқибати садамаи навбатӣ

Душанбе, 1 март. (АМИТ «Ховар», Музаффар Рустамов).– Дирӯз дар роҳҳои мошингарди ҷумҳурӣ се садамаи нақлиётӣ ба қайд гирифта шуд, ки бар асари онҳо ду нафар ба ҳалокат расида ва ду нафари дигар бо ҷароҳати гуногуни ҷисмонӣ дар беморхонаҳо бистарӣ гардиданд. Дар ноҳияи Айнии вилояти Суғд мошинаи тамғаи “Mercedes Benz” таҳти идораи ронанда Бахтовар Нуралиеви 25-сола ҳангоми ҳаракат дар километри 153-юми роҳи Душанбе- Хуҷанд- Чаноқ аз уҳдаи воситаи нақлиёт набаромада, ба чуқурии 300 метри канори роҳ чаппа мешавад, ки дар натиҷа худи ронанда Бахтовар Нуралиев ҷароҳати ҷисмонӣ бардошта, дар ҷойи ҳодиса ба ҳалокат мерасад. Садамаи дигар дар ноҳияи Рӯдакӣ рух медиҳад. Мошини тамғаи “Opel astra” таҳти идораи ронанда Баҳодур Имомов ҳангоми ҳаракат бо роҳи деҳаи Гулистони ноҳияи Рӯдакӣ ронандаи он бехатарии ҳаракати роҳро таъмин карда натавониста, пиёдагард Нурӣ Набиеви 76-соларо пахш мекунад, ки дар натиҷа пиёдагарди куҳансол ҷароҳати ҷисмонӣ бардошта, ҳангоми ба беморхона интиқол додан ба ҳалокат мерасад.Дар ин бора сардори шуъбаи ташвиқоту тарғиботи Раёсати Бозрасии давлатии автомобилии Вазорати корҳои дохилии ҶТ Махмадшариф Шамсов иттилоъ дод.