«Олиҳаи Спитамен» ҷамъбаст шуд

Спитамен, 26 март. (АМИТ «Ховар», С. Маҳкамов).- Тавре ки аз мактаби таҳсилоти миёнаи умумии №19-и ноҳияи Спитамен хабар доданд, дар тарабхонаи «Гулрез»-и ноҳия бахшида ба фарорасии баҳору ҷашни Наврӯз озмуни ноҳиявии «Олиҳаи Спитамен» доир гардид. Дар озмун якчанд нафар зебосанамон аз ҷамоатҳои шаҳраку деҳот ширкат варзида, байни ҳам аз рӯи шартҳои озмун қувваозмоӣ намуданд. Аз рӯи шартҳои озмун омӯзгори мактаби таҳсилоти миёнаи умумии №19 Азиза Пиримқулова бар ҳамаи ҳарифони худ дастболо гашт ва ба номи «Олиҳаи Спитамен» шарафёб гардид.