Осори Фарзонаи Хуҷандӣ чоп мешавад

Март 27, 2013 16:23

Душанбе, 27 март.(АМИТ «Ховар», Марзия Саидова).-Пажуҳишгоҳи фарҳанги тоҷикӣ-форсӣ тасмим гирифтааст, ки дар соли равон маҷмӯи асарҳои шоирону нависандагони классик ва мусоири тоҷику форсро нашр намояд. Абдураҳим Беҳрӯзиён- мудири Пажуҳишгоҳи фарҳанги тоҷикӣ-форсӣ дар суҳбат ба хабарнигори АМИТ «Ховар» гуфт, ки алҳол асари «Нафаҳотун-ул-унс»-и Абдураҳмони Ҷомӣ омодаи чоп буда, инчунин китоби «Таърихи Сиистон», ки дар ҳамкорӣ бо Китобхонаи миллии Тоҷикистон таҳия гардидааст, нашр мешавад. Ҳамзамон маҷмӯаи аъшори шоираи шинохтаи тоҷик -Фарзонаи Хуҷандӣ, китоби «Пайке аз сарзамини фарҳанг» дар таҳияи Баҳриддин Мирзоев ва «Ғалат нанависем»-и Абуҳасани Наҷафӣ дар давоми сол чоп мегарданд. Пажуҳишгоҳи фарҳанги тоҷикӣ-форсӣ аз соли 1995 инҷониб фаъолият дошта, дар таҳия ва нашри осори адибони кишварҳои форсизабон, хусусан Тоҷикистон нақши муассир дорад. Пажуҳишгоҳ бо марказҳои фарҳангии Тоҷикистон ҳамкории густурда дошта, маҷаллаҳои худро таҳти унвони «Андеша» ва «Номаи пажуҳишгоҳ» интишор менамояд. Дар шумораи навбатии «Номаи пажуҳишгоҳ», ки ҳамчун фаслнома арзёбӣ мегардад, матолиб доир ба ҳаёту фаъолияти ду нафар шахсияти барҷастаи илму адаби тоҷик – Сотим Улуғзода ва Муҳаммадҷон Шакурӣ мунташир гардидааст.

Март 27, 2013 16:23

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд