Паҳлавонони ҷаҳон ба Душанбе меоянд

Душанбе, 16 март. (АМИТ «Ховар», Зарангез Латифова).- Рӯзи 6-уми апрел дар толори Маҷмааи варзишии Кумитаи андози пойтахт, 46-умин мусобиқаи байналмилалӣ оид ба дюздо дар вазни мутлақ ба хотири гиромидошти нахустқаҳрамони ҷаҳон аз Тоҷикистон дар риштаи самбо Саидмуъмин Раҳимов баргузор мегардад.  Ба иттилои Муродалӣ Тешаев, сухангуи Кумитаи миллии олимпии кишвар ба мусобиқа варзишгарони кишварҳои Афғонистон, Беларус, Муғулистон, Русия, Ӯзбекистон, Қазоқистон, Қирғизистон ва Ҷумҳурии Исломии Эрон даъват гардидаанд. Маврид ба ёдоварист, ки Арамбий Хапаев, қаҳрамони 3-каратаи ҷаҳон оид ба самбо, Михаил Тихамиров, Владимир Яприсов, Армен Багдасаров ва дигар чемпионҳои машҳури ҷаҳон низ дар мусобиқаи мазкур ширкат меварзанд. Мусобиқа бо ташаббуси Кумитаи ҷавонон, варзиш ва сайёҳӣ дар якҷоягӣ бо Федератсияи дюздои кишвар доир мегардад.