Пешгирии интиқоли маводи мухаддир дар Шӯрообод

Кӯлоб, 13 март. (АМИТ «Ховар», С.Холов). – Дар ноҳияи Шӯрообод барои нигоҳ доштани тартиботи ҷамъиятӣ, пешгирии интиқоли маводи мухаддир кормандони мақомоти иҷроияи ҳокимияти давлатӣ ва шуъбаи корҳои дохилии ноҳия назорати қатъӣ мебаранд. Ба гуфти раиси ноҳия Амирхон Икромов дар соли 2012 дар қаламрави ноҳия аз тарафи ин шуъба 31 ҷиноят ба қайд гирифта шуда, сатҳи кушодани ҷиноятҳо 83,8 фоизро ташкил медиҳад. Дар ин муддат аз тарафи кормандони мақомоти корҳои дохилӣ ба миқдори 946, 115 кг нашъа, 68,66 кг воситаи нашъадори афюн, 36,51 кг ҳашиш ва 25, 44 кг героин мусодира шуд. Гуфта мешавад дар ин давра кормандони ШКД аз аҳолӣ 15 адад яроқи тамғаи гуногуни оташфишон ва 1250 дона тири қутраш гуногунро мусодира карданд.