Пулҳои амонатӣ афзоиш меёбанд

Душанбе, 1 март. (АМИТ «Ховар», Покиза Маҳмадбекова). – Мувофиқи маълумоти оморӣ, бақияи пулҳои амонатӣ то охири моҳи январи соли ҷорӣ нисбат ба ҳамин давраи соли гузашта баробари 6,6 фоиз афзуд.Назар ба хабари хадамоти матбуоти Бонки миллии Тоҷикистон, таҳлили сохтори бақияҳои ҳаҷми пулҳои амонатӣ нишон медиҳад, ки 36,6 фоизи ин маблағҳо ба шахсони ҳуқуқӣ ва 63,4 фоизи онҳо ба пулҳои амонатии шахсони воқеӣ тааллуқ доранд.Қобили зикр аст, ки пулҳои амонатии шахсони воқеӣ нисбат ба ҳамин давраи соли гузашта баробари 26,7 фоиз афзудаанд.