Рушди ҳамкории АНММ ҶТ ва ХДНММ ҶҚ

Душанбе, 6 март. (АМИТ «Ховар», Лутфия Эшонқулова ). — Дар Агентии назорати маводи нашъаовари назди Президенти ҶТ мулоқоти директори Агентӣ Рустам Назаров бо Сафири Фавқулодда ва Мухтори Ҷумҳурии Қирғизистон дар ҶТ ҷаноби Урмат Саралаев баргузор гардида, намояндаи навтаъини ваколатдори Хадамоти давлатии назорати маводи мухаддири Ҷумҳурии Қирғизистон дар Агентии назорати маводи мухаддири ҶТ Усен Кулчоро муаррифӣ карда шуд.Мувофиқи хабари маркази матбуоти Агентии назорати маводи нашъаовари кишвар, зимни мулоқот масоили ҳамкории ҳар ду агентӣ мавриди муҳокима қарор гирифтанд. Вазифаи асосии фаъолияти муштарак иборат аз таҳким бахшидани ҳамкории дуҷониба барои таъмини амният дар сарҳадоти Ҷумҳурии Тоҷикистон ва Ҷумҳурии Қирғизистон мебошад.