Саҳми донишҷӯёни ДДОТ дар ихтироъкорӣ

Душанбе, 1 март (АМИТ «Ховар» Зарангез Латифова).- Дар Донишгоҳи Давлатии Омӯзгории Тоҷикистон ба номи С. Айнӣ бахшида ба Рӯзи зиёиёни эҷодкор таҳти унвони «Ҷавонони созанда- таҳкимбахшандагони мавқеи кишвар дар ҷомеаи донишбунёди ҷаҳонӣ» конфронс баргузор гардид. Ректори донишгоҳи мазкур донишҷӯёни фаъолу ихтироъкорро, ки дар чандин озмун иштирок намуда, муваффақият ба даст овардаанд, бо мукофоту туҳфаҳо сарфароз гардонид. Ҳамчунин дар конфронс як силсила маърӯзаҳо, аз ҷумла «Саҳми ҷавонон дар ихтирооти асри 21», «Ҷавонон ва ихтирооти онҳо дар даврони истиқлолият» аз ҷониби донишҷӯёни донишгоҳ пешниҳод шуданд.