Шарафи муаллимонро давлат ҳимоя мекунад
Душанбе, 6 март.(АМИТ «Ховар», Марзия Саидова).-Дар Тоҷикистон лоиҳаи нави «Қонун дар бораи маориф» аз сӯи вакилони палатаи поёнии парлумони кишвар баррасӣ ва қабул гардид.Нуриддин Саидов –вазири маорифи ҷумҳурӣ ва Марҳабо Ҷабборова –раиси Кумитаи Маҷлиси намояндагон оид ба илм, маориф, фарҳанг ва сиёсати ҷавонон зимни тавзеҳи лоиҳаи қонуни мазкур зикр карданд, ки рушди соҳаи маориф дар ҷумҳурӣ яке аз самтҳои афзалиятноки сиёсати иҷтимоии Чумҳурии Тоҷикистон буда, қабули қонуни нави маориф тақозои замон аст. Он бо мақсади таҳкими ислоҳот ва рушди соҳа- таъмини сатҳу сифати таҳсилот ва мутобиқ намудани бахши маорифи кишвар ба фазои ягонаи таҳсилоти ҷаҳонӣ таҳия гардидааст. Лоиҳаи нави қонуни маориф аз 8 боб ва 69 модда иборат буда, он аз сӯи гуруҳи корӣ, ки аз ҳисоби мутахассисони соҳа, ҳуқуқшиносон таъсис дода шуд буд, дар зарфи 8 моҳ дар кумитаю комиссияҳои Маҷлиси намояндагон ҳамаҷониба баррасӣ гардид. Нисбат ба лоиҳаи қонуни мазкур 1050 таклифу пешниҳод ирсол гардид, ки бештари онҳо дар такмили лоиҳаи қонун истифода шуданд.Қонуни Ҷумҳурии Тоҷикистон «Дар бораи маориф» асосҳои ҳуқуқӣ, ташкилӣ, иҷтимоӣ, иқтисодӣ ва принсипҳои асосии сиёсати давлатро дар соҳаи маориф муайян намуда, шаъну шарафи омӯзгор таҳти ҳимояи давлат қарор гирифта, дар ҳолати таҳқири муаллим, шахс гунаҳкор дониста шуда, нисбат ба ӯ чораҳо андешида мешаванд. Инчунин тибқи лоиҳаи нави қонуни маориф муаллимони ҷавоне, ки дар минтақаҳои дурдасти куҳистон ба толибилмон дарс медиҳанд, аз баъзе имётизҳо бархурдор хоҳанд гашт. Яке аз онҳо ҷудо намудани қитъаи замин барои сохтмони манзили зист, инчунин ҷудо намудани иловапулӣ аст. Мавриди зикр аст, ки дар соли равон аз буҷаи кишвар барои рушди соҳаи маориф 2 миллиарду 138 миллион сомонӣ ҷудо гардид. Дар зарфи 20 соли истиқлолияти давлатӣ дар ҷумҳурӣ 1 ҳазору 200 мактаби нав ба истифода дода шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






