Шумораи мусулмонони Ҷумҳурии Тоҷикистон

Душанбе, 1 март. (АМИТ «Ховар», Покиза Маҳмадбекова). — Мувофиқи маълумоти барӯйхатгирии аҳолӣ ва фонди манзили соли 2010- ум 7 млн. 522,9 ҳазор нафар ё 99,4 фоизи аҳолии ҷумҳуриро аз рӯи ҳайати миллӣ мусулмонон ташкил медиҳанд ва 41,6 ҳазор нафар ё 0,6 фоиз аз рӯи миллат намояндагони дигар динҳо (миллатҳои ғайримусулмон) мебошанд.   Аз рӯи маълумоти Агентии омори назди Президенти Ҷумҳурии Тоҷикистон то ҳолати 5 феврали соли 2013 аҳолии ҷумҳурӣ 8 миллионро ташкил дод ва аз рӯи баҳодиҳии натиҷаҳои барӯйхатгирии аҳолӣ – 7 млн. 952 ҳазор нафар мусулмон ва 48 ҳазор нафар намояндагони дигар динҳо (ғайримусулмон) мебошанд.