Содироти мол зиёд, воридоти он коҳиш ёфтааст

Душанбе, 18 март. (АМИТ “Ховар”, Покиза Маҳмадбекова).- Дар давоми ду моҳи соли равон ҳаҷми содироти мол 242,5 млн. доллари ИМА-ро ташкил намуд, ки нисбат ба ҳамин давраи соли гузашта 36,6 млн. долл. ИМА ва ё 17,8 фоиз зиёд мебошад. Аз рӯи иттилои Бонки миллии Тоҷикистон дар ин муддат ҳаҷми воридот 543,2 млн. доллари ИМА-ро ташкил кард, ки дар муқоиса ба ҳамин давраи соли қаблӣ ба андозаи 78,0 млн. доллари ИМА ё 12,6 фоиз коҳиш ёфтааст.