Сохтмони комбинати металлургӣ идома дорад

Душанбе, 30 март. (АМИТ «Ховар», Дилшодаи Хайруллоҳ).- Дар ноҳияи Ҳисор аз тарафи ҶДММ «Комбинаи металлургии тоҷикию хитоӣ» навбати аввали сохтмони комбинати металлургӣ барои истеҳсоли маҳсулоти металлӣ бо иқтидори лоиҳавии 150 ҳазор тонна маҳсулоти металлӣ дар як сол идома дорад. Дар айни замон ба корхона ба маблағи 4,5 млн. долл. ИМА дастгоҳу таҷҳизоти истеҳсолӣ ворид гардидааст. Соли 2012 12 адад корхонаи соҳа, аз ҷумла, ҶСШК «Трасформатор», ҶСШК «Химзавод», КВД «Тоҷиктекстилмаш»,ҶММ «Фузин-Чен», ҶММ «Бадж- мобайл», ҶММ «Нигин ЛТД», ҶММ «Фушинг», ҶДММ «Ванда»-и Садаф, ҶММ «Металлотрейдер», ҶММ «Лонг Ши Йанг», ҶММ КМ «Старпласт» ва корхонаи «Халимов Ш.» трасформаторҳо, маводи таркандаи саноатӣ, арматура, кунҷак ва плитаҳои алюминиро ба маблағи 13318,6 ҳазор сомонӣ ба хориҷ содир намудаанд, ки назар ба соли 2011 3,5 млн.сомонӣ зиёд мебошад. Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.