Таҷлили бошукуҳи Наврӯз дар Донишгоҳи миллӣ

Душанбе, 19 март (АМИТ «Ховар», Баҳманёр Муродов).- Имрӯз Наврӯзи байналмилалиро дар «Шаҳраки донишҷӯён»-и Донишгоҳи миллии Тоҷикистон бо шукуҳу шаҳомати хосса ва ба ҷой овардани суннату анъанаҳои аҷдодӣ ҷашн гирифтанд. Ректори ДМТ Маҳмаюсуф Имомов устодону донишҷӯёнро ба ҷашни Наврӯз таҳният гуфта, вазири маорифи кишвар Нуриддин Саидов таърихи қадимӣ доштани ин ҷашнро ёдовар шуд ва ҷавононро ба ҳифзи арзишҳои миллию худшиносӣ даъват намуд. Барномаи рангине, ки бахшида ба ин ҷашн аз тарафи ансамбли «Наврӯз»-и Донишгоҳ омода гардида буд, писанди тамошобинон шуд.