Таҷлили «Наврӯз» дар СММ

Душанбе, 19 март. (АМИТ «Ховар», Покиза Маҳмадбекова). – 18 март ба ифтихори Рӯзи байналмилалии «Наврӯз» дар қароргоҳи СММ ҷамъомади ботантана баргузор шуд.Дабири Кулли СММ Пан Ги Мун зимни суханрониаш зикр намуд, ки иди Наврӯз тимсоли зиндашавии табиат, ҳамраъӣ ва ибтикороти мардум ҷаҳон ба шумор меравад. Бо ибтикори Озарбойҷон, Албания, Афғонистон, Ҷумҳурии Македония, Ҳиндустон, Эрон, Қазоқистон, Қирғизистон, Тоҷикистон, Туркманистон ва Туркия 23 феврали соли 2010 Созмони Милали Муттаҳид 21 мартро Рӯзи байналмилалии «Наврӯз» эълон кард. Соли 2009 ин ид ба рӯйхати мероси фарҳангии башарияти ЮНЕСКО дохил карда шуда буд.