Таҷлили Наврӯзи ҳизбиёни вилояти Суғд

Март 20, 2013 14:29

Душанбе, 20 март. (АМИТ «Ховар», Дилшодаи Хайруллоҳ).- Дар маркази деҳаи Рӯмони ноҳияи Бобоҷон Ғафуров дар саҳни ширкати «Нур» чорабинии наврӯзии ҳизбиёни вилояти Суғд бо ибтикори Кумитаи иҷроияи вилоятии ҲХДТ баргузор гардид. Мардум бо руҳи болида хаймаҳои наврӯзӣ ороста, дастранҷи ҳунармандони худро ба намоиш гузоштанд.  Як сӯи дигар мусобиқаи гӯштини миллӣ ҷараён дошта, паҳлавонони деҳа байни ҳам қувваозмоӣ мекарданд. Бозиҳои қадима, аз қабили арғунчакбозию ҳаппакбозӣ, лалакпаронию бодбаракпаронӣ ба ҷашни Наврӯз ҳусни хосса зам мекарданд. Тамошои хаймаҳои наврӯзӣ, маҳсули дастони бонувони ҳунарманди деҳа, анъанаҳои мардумӣ аз қабили хурӯсҷанг ба ҷашн шукуҳу шаҳомати тоза мебахшид. Ин анъанаҳои мардумӣ руҳи меҳмонон ва ҳам иштирокдорони чорабинии наврӯзиро сахт болида дошта, зиёда аз панҷ ҳазор мардуми маҳаллиро гирди ҳам овард. Ба чорабинӣ барномаи адабӣ-мусиқии аҳли фарҳанги вилоят шукуҳу шаҳомати тоза бахшид. Чунин чорабиниҳои наврӯзӣ аз ҷониби ташкилотҳои ҲХДТ дар шаҳру ноҳияҳои ҷумҳурӣ идома дошта, хатнасури фарзандони оилаҳои ниёзманд баргузор шуда истодааст.Дар ин бора аз Маркази таблиғот ва таҳлилии дастгоҳи КИМ ҲХДТ иттилоъ доданд.

Март 20, 2013 14:29

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд