Такмили ихтисоси омӯзгорон

Панҷакент, 14 март. (АМИТ «Ховар», С. Маҳкамов).-Бино ба иттилое, ки аз Донишкадаи такмили ихтисос ва бозомӯзии кормандони соҳаи маорифи вилояти Суғд расид, маълум гашт, ки дар шаҳри Панҷакент барои омӯзгорони фанни технология давраи омӯзишӣ гузаронида шуд. Дар он омӯзгорони мактабҳои таҳсилоти миёнаи умумӣ, литсею гимназияҳои шаҳри Панчакент иштирок карда, дониши худро сайқал доданд. Мудири шуъбаи Донишкадаи такмили ихтисос ва бозомӯзии кормандони вилоят Муҳаммадҷон Муҳиддинов, мушовири фанни технологияи шуъбаи маорифи шаҳри Панҷакент Насрулло Урунов дар мавзуъҳои омузиши асосҳои технологияи информатсионӣ, коргузорӣ, ҳифзи муҳити зист, масъалахои асосии педагогика ва психологияи кӯдакон сухан гуфтанд. Дар охир ба шунавандагон ифтихорнома ва шаҳодатномаи хатми супориданд.