Тантанаҳои Наврӯзӣ дар Рашт

Рашт, 19 март. (АМИТ «Ховар», М.Ризвонов). – Ба мақсади дар сатҳи баланд гузаронидани ҷашни Наврӯз дар ноҳияи Рашт мақомоти иҷроияи ҳокимияти давлатии ноҳия нақшаи чорабиниҳо тартиб додаст. Бори аввал дар ҷамоатҳои шаҳраку деҳот Наврӯз бо тантанаҳои рангини идона таҷлил мегардад. Як моҳ боз дастаҳои ҳаваскорони санъат барои ширкат дар ин ҷашни бошукуҳ омодагӣ мегиранд. Наврӯзи хуҷастапай 27 – уми март дар майдони фурудгоҳи ноҳия бошукуҳу шаҳомати хосса таҷлил мешавад.