Вазорати энергетика: истихроҷи ангишт афзуд

Душанбе, 6 март. (АМИТ «Ховар», Дилшодаи Хайруллоҳ).- Корхонаҳои соҳаи ангишти Вазорати энергетика ва саноати Ҷумҳурии Тоҷикистон дар ҷамъбасти ду моҳи соли ҷорӣ (январ-феврал) истихроҷи ангиштро ба 33349,0 тонна расонида, нисбат ба нақша +24649,0 тн (383,3%) ва нисбат ба ҳамин давраи соли сипаригашта +20188,0 тн. ё 253,3% зиёд ангишт истеҳсол карданд.Аз тарафи ҶСШК «Ангишт», КФ Шахтаи «Фон-Яғноб» ва минтақаи «Уголний»-и КМ «Анзоб» дар моҳи январ иҷрои нақшаи семоҳаи соли ҷорӣ пеш аз муҳлат ва барзиёд таъмин шуд. Дар баробари ин, корхонаҳои соҳа имкон доранд дар ҳолати пайдо гардидани харидорони ангишт нақшаи нимсоларо дар ҷамъбасти семоҳаи соли ҷорӣ пеш аз муҳлат ва барзиёд таъмин намоянд.Дар айни замон, дар анборҳои корхонаҳои соҳа ва нуқтаҳои фурӯш то 1-уми марти соли ҷорӣ зиёда аз 41,8 ҳазор тонна ангишт мавҷуд аст.Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.