Вохӯрии «Истиқлол» ва «Ал- Қодисия» дар Кувайт

Душанбе, 28 март. (АМИТ «Ховар», Баҳманёр Муродов).- Дастаи «Истиқлол»-и Душанбе дар доираи тамринҳои мавсимияш дар варзишгоҳи Муҳаммад Ал-Ҳамади Кувайт бо дастаи «Ал- Қодисия»- и ин кишвар бозии санҷишӣ анҷом дода, бо натиҷаи 2:4 шикаст хӯрд. Бино ба иттилои сомонаи расмии «Истиқлол» тӯбҳои дастаро дар ин бозӣ Фатҳулло Фатҳуллоев ва Виллер Соуза Оливейра ба ҳадаф расонидаанд. Ҳамчунин гуфта мешавад, ки дастаи «Ал- Қодисия»- қаҳрамони 15- каратаи Кувайт ва яке аз дастаҳои пурқуввати Осиё ҳарифи дастаи «Равшан»- и Кӯлоб дар даври гуруҳии Ҷоми КФО маҳсуб меёбад. Дастаи «Истиқлол» бозии санҷишии навбатиашро рӯзи якшанбе, 31 март бо дастаи «Ал-Шабоб»- и Кувайт баргузор мекунад.