Зан чароғи рўзгор ва оинаи зиндагист

Душанбе, 1 март. (АМИТ «Ховар», Ибодат Давлатова).-Имрӯз бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бахшида ба Рўзи Модар дар Литсейи касбии саноати дўзандагии шаҳри Душанбе чорабинии фарҳангӣ таҳти унвони «Зан чароғи рўзгор ва оинаи зиндагӣ» доир шуд.Дар чорабинӣ раиси кумита Маликшо Неъматов ширкат намуда, бо ҳунарҳои дастии муҳассилини литсей, ки ба маърази тамошо гузошта шуда буданд,ошно гардид. Маликшо Неъматов ба ҳунари ҷавондухтарон баҳои баланд дода, масъулинро вазифадор намуд, ки барои ташвиқу тарғиби тарроҳҳо ва ҳунарҳои дастии ҷавондухтарони Литсейи мазкур чораҳои зарурӣ ва саривақтӣ андешанд. Инчунин М.Неъматов барои дастовардҳои арзандаю шоёнашон бахшида ба рўзи Модар ба шаш нафар мураббию донишҷӯдухтари ин муассисаи таълимӣ туҳфаҳои хотиравӣ супорид.