Ғанигардонии буҷа аз ҳосили фаровон

Ҳамадонӣ, 13 апрел. (АМИТ «Ховар», С.Холов). – Саҳмдорони хоҷагии «Айниддини Саъдулло»-и ноҳияи Ҳамадонӣ дар натиҷаи истифодаи самараноки замин ва пайваста гузаронидани кишти такрорӣ ҳосили фаровон ба даст оварда, ҳам буҷаи оилавӣ ва ҳам бозори истеъмолиро ғанӣ мегардонанд . Аз ҳисоби даромади софи хоҷагӣ дар майдони 0,6 гектар замин гармхона бунёд карданд, ки аллакай аз он ҳосили аввалро ҷамъоварӣ карда, маҳсулоти дигар кишт намуданд. Нашъунамои маҳсулоти кишоварзии хоҷагӣ дар мавсими имсола хуб аст ва мусоид омадани ҳавои имсола имкон фароҳам овардааст, ки саҳмдорон ҳосили дилхоҳ ҷамъоварӣ намоянд.