Қоҳир Расулзода бо сафири Амрико мулоқот кард

Апрель 4, 2013 14:32

Душанбе, 4 апрел. (АМИТ «Ховар», Баҳманёр Муродов).-Имрӯз, 4- уми апрел раиси вилояти Суғд Қоҳир Расулзода Сафири Фавқулодда ва Мухтори Иёлоти Муттаҳидаи Амрико дар Тоҷикистон Сюзан Эллиотро ба ҳузур пазируфт.Бар пояи иттилои Хадамоти матбуоти раиси вилоят ҷонибҳо дар ҷараёни мулоқот муносибатҳои дуҷониба ва густариши онро мавриди баррасӣ қарор дода, ҳамкориҳои босамари Тоҷикистону Иёлоти Муттаҳидаи Амрикоро дар самтҳои мухталиф, аз ҷумла дар соҳаҳои иқтисодиву тиҷоратӣ, илмиву фарҳангӣ, ҳамчунин ҳамкориҳои минтақавӣ махсус таъкид карданд. Қоҳир Расулзода иброз намуд, ки солҳои охир имкониятҳои содиротии вилоят, бахусус дар самти меваи хушк боз ҳам афзоиш ёфтааст ва дар ин бобат таҳкими ҳамкориҳо бо Амрико ба манфиати тарафайн хоҳад буд. Сюзан Эллиот гуфт, ки ин нахустин сафараш ба вилояти Суғд аст ва дар оянда ба масъалаҳои иқтисодӣ, аз ҷумла ба рушди соҳаи саноати сабук, инчунин ба масъалаҳои ҳуқуқи башар, густариши ҷомеаи маданӣ, озодии баён, мусоидат дар рушди маорифу фарҳанг таваҷҷуҳи бештар хоҳад кард.Ёдовар мешавем, ки Сюзан Эллиот 3-юми апрел бо сафари серӯзаи корӣ ба вилояти Суғд рафтааст.

Апрель 4, 2013 14:32

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд