Ҷалби 950 миллион сомонӣ барои таҷдиди роҳҳо

Апрель 5, 2013 14:59

Душанбе, 5 апрел.(АМИТ «Ховар», Марзия Саидова ).- «Алҳол дар соҳаи нақлиёти кишвар 9 лоиҳаи муштараки инвеститсионӣ татбиқ гардида истодааст, ки маблағи умумии онҳо беш аз 1,1 миллиард $ муодил ба 5,2 миллиард сомониро ташкил медиҳад», гуфт дар ҷаласаи парлумони мамлакат Руҳуллоҳ Ҳакимов, муовини вазири молияи ҷумҳурӣ. Мавсуф зикр кард, ки соҳаи нақлиёт ва коммуникатсия, хусусан таҷдид ва сохтмони роҳу пулҳо ва дар ин замина раҳоӣ аз бунбасти коммуникатсионӣ, ки яке аз се ҳадафи стратегии ҳукумати кишвар маҳсуб меёбад, беш аз пеш рушд ёфта, амалӣ мегардад. 9 лоиҳаи муштараки инвеститсионӣ таҷдиди роҳи автомобилгарди Душанбе- сарҳади Қирғизистон ба маблағи 144,5 миллион $, сохтмони роҳи Душанбе- Турсунзода — 166,2 миллион $, роҳи Шоҳон –Зиғар (марҳилаи сеюм) 21,9 миллион $, Кӯлоб-Қалъаи Хумб 92,9 миллион $, Душанбе- Қулма (марҳилаи 1 ва 2-юм) 203, 1 мииллон $, Душанбе -Бӯстон –Чаноқ 295, 9 миллион $ бо назардошти нақби Шаҳристон, роҳи Қӯрғонтеппа-Дӯстӣ (марҳилаи 2-юм) 23,3 миллион $ -ро дар бар мегирад. Муовини вазири молияи ҷумҳурӣ афзуд, ки танҳо дар давоми соли 2012 ба иқтисодиёти кишвар 1,6 миллиард сомонӣ маблағҳои грантию қарзӣ ҷалб гардидаанд, ки аз он 950 миллион сомонӣ ё 60 % -аш барои рушд ва таҷдиди роҳҳои автомобилгарди ҷумҳурӣ равона шудааст. Аз 950 миллион сомонӣ 474 миллион сомонӣ маблағи қарзӣ ва 476 миллион сомонӣ маблағи грантӣ мебошад.

Апрель 5, 2013 14:59

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд