Ҷамъбасти натиҷаи фаъолияти молиявӣ

Душанбе, 16 апрел. (АМИТ «Ховар»). – Дар Вазорати молияи Ҷумҳурии Тоҷикистон натиҷаи фаъолияти молиявӣ, иҷрои Буҷаи давлатии Тоҷикистон дар семоҳаи аввали соли 2013, вазифаҳои рушди самарабахш ва истифодаи маблағҳои давлатӣ дар семоҳаи дуюми соли 2013 мавриди баррасӣ қарор гирифт. Тавре ки аз котиботи Вазорати молияи кишвар ба АМИТ «Ховар» хабар доданд, роҳбарони раёсатҳои молиявии вилоятҳо ва шаҳру ноҳияҳои ҷумҳурӣ ҳисобот доданд. Вазири молияи ҷумҳурӣ Сафаралӣ Наҷмуддинов дар назди кормандони масъули низоми Вазорати молия вазифаҳои мушаххас гузошт, ки бояд сари вақт ва хушсифат иҷро карда шаванд.