Ахбори муҳимтарини рӯз

Душанбе, 22 апрел. (АМИТ «Ховар», Баҳманёр Муродов).-Сарвазири Қазоқистон Серик Ахметов бо сафари расмӣ рӯзҳои 25-26-уми апрел аз Беларус дидан карда, бо мақомоти ин кишвар ҳамкориҳои иқтисодии Қазоқистону Беларусро баррасӣ мекунад. —————————————Вазири корҳои хориҷии Озарбойҷон Элмар Мамедяров дар суҳбаташ бо вазири корҳои хориҷии Фаластин Риод ал- Маликӣ гуфтааст, ки кишвараш дар созмонҳои байналмиллалӣ аз мавқеи Фаластин пуштибонӣ мекунад. ———————————-Даври навбатии гуфтугӯ байни Ҷумҳурии исломии Эрон ва МАГАТЭ қарор аст рӯзи 21-уми май дар Вена баргузор шавад. —————————Вазири рушди иҷтимоии Қирғизистон Киличбек Султонов баъд аз муноқиша бо муовини сарвазири кишвараш аризаи истеъфо навишт. ——————————Ҳудуди 45 ҳазор сокинон ба кӯчаҳои Париж баромада, зидди лоиҳаи қонунӣ намудани никоҳи афроди ҳамҷинс эътироз намуданд. ————————Тоҷири рус Алишер Усмонов бо доштани сармояи 20,3 миллиард доллар дар рӯйхати сарватмандони Британия мавқеи нахустро касб кардааст. Тарҷумаи Баҳманёр Муродов