Амали хайр

Кӯлоб, 13 апрел. (АМИТ «Ховар», С.Холов). – Ҷиҳати дастгирии оилаҳои ниёзманд раёсати тандурустии минтақаи Кӯлоб хатнасури 30 нафар кӯдаки кормандони соҳаро баргузор намуд. Кормандони раёсати тандурустӣ ва роҳбарияти ҳокимияти давлатии шаҳри Кӯлоб кӯдаконро муборакбод гуфта, ба онҳо туҳфаҳои идона тақдим намуданд.   Инчунин дар деҳаи Сангпари ҷамоати деҳоти Зиракии ноҳия Кӯлоб соҳибкори маҳаллӣ Ибодулло Абдураҳимов 12 нафар кӯдакони деҳаро хатнасур ва ба онҳо туҳфаҳои молию пулӣ тақдим намуд.