Барқарорсозии хатҳои оби нӯшокӣ

Ҳамадонӣ, 30 апрел. (АМИТ «Ховар», С.Холов). – Дар ноҳияи Ҳамадонӣ татбиқи лоиҳаи «Бо оби нӯшокӣ таъмин намудани аҳолӣ» идома дорад. Лоиҳаи мазкур аз соли 2009 бо маблағгузории Ҳукумати Ҷопон дар ду марҳила оғоз гардида, маркази шаҳрак ва ду деҳаи ҷамоати деҳоти Меҳнатободро ба оби нӯшокӣ таъмин менамоянд. Дар айни ҳол барқарорсозии хатҳои оби нушокӣ дар масофаи 45 км ба итмом расида, ин барои беҳдошти таъмини оби нӯшокӣ ба аҳолӣ мусоидат менамояд. Дар маркази ноҳия 2300 адад чумаки обгирӣ насб шудааст. Маблағи умумии барқарорсозӣ 15 млн. 800 доллари амрикоиро дар бар гирифта, баъди ба анҷом расидани лоиҳа 27 ҳазор аҳолии маркази ноҳия ва деҳаҳои Гулободу Навобод низ бо оби нӯшокӣ таъмин мегарданд.