Баррасии ҳамкориҳо бо Зеландияи Нав
Душанбе, 9 апрел. (АМИТ «Ховар», Покиза Маҳмадбекова). – «Дар Ҷумҳурии Тоҷикистон фазои мусоиди сармоягузорӣ муҳайё шудааст ва ҷониби Тоҷикистон ҷиҳати сармоягузорӣ дар самтҳои афзалиятноки иқтисод як силсила имтиёзҳоро пешбинӣ намудааст», — иброз намуд вазири рушди иқтисод ва савдои ҷумҳурӣ Шариф Раҳимзода 8 апрел дар ҷараёни мулоқот бо сафири Зеландияи Нав дар Иттиҳоди Аврупо Вангелис Виталис. Ба мухбири АМИТ «Ховар» аз маркази матбуоти Вазорати рушди иқтисод ва савдо иттилоъ доданд, ки дар навбати худ Вангелис Виталис ба муносибати узви комилҳуқуқи Созмони Умумиҷаҳонии Савдо гардидани Тоҷикистон таманниёти неку самимии худро баён дошт. Сипас роҷеъ ба дастгирии Тоҷикистон ҷиҳати интихоб гардидани вазири тиҷорати Зеландияи Нав ба мақоми директори генералии СУС изҳори хоҳиш намуд. «То имрӯз бо Ҷумҳурии Тоҷикистон ҳамчун узви комилҳуқуқи СУС аз 9 кишвар (Гана, Коста-Рика, Индонезия, Зеландияи Нав, Кения, Иордания, Мексика, Кореяи Ҷанубӣ ва Бразилия), ки намояндаҳои хешро пешниҳод намудаанд, 6 давлати аъзо (Индонезия, Зеландияи Нав, Иордания, Мексика, Кореяи Ҷанубӣ ва Бразилия) ҷиҳати дастгирии номзадҳояшон ба мақоми директори генералии СУС муроҷиат намудаанд», — зикр намуд вазири рушди иқтисод ва савдо Шариф Раҳимзода ва афзуд, ки ин амал аз он шаҳодат медиҳад, ки аллакай ҷумҳурии мо дар СУС мақоми арзандаи худро пайдо намудааст. Ш.Раҳимзода таъкид намуд, ки намояндагони ҷумҳурии мо пас аз баррасии амиқи барномаҳои пешазинтихоботии муддаиёни ин мансаб ҳатман номзадеро, ки метавонад баҳри рушду равнақи муносибатҳои иқтисодию тиҷоратӣ дар байни кишварҳои аъзои СУС таҳаввулот ворид созад, ҷонибдорӣ менамоянд. Дар анҷоми вохӯрӣ ҷонибҳо атрофи масъалаҳои дигари мавриди таваҷҷуҳ мубодилаи афкор намуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






