Бемориро пешгирӣ мебояд
Душанбе, 17 апрел. (АМИТ «Ховар», Раъно Нусратуллоева).- Дирӯз дар толори асосии Донишгоҳи давлатии омӯзгории Тоҷикистон ба номи С.Айнӣ бо ташаббуси дармонгоҳи ҳамин донишгоҳ ва мутахассисони Маркази саломатии репродуктивии хайрхоҳона ба кӯдакон ва духтарон вобаста ба пешгирии бемориҳои саратони сина чорабинии судманд доир гардид.Раиси Шӯрои занони донишгоҳ Р.Қосимова гуфт, ки солимии ҳар нафар дар дасти худи ӯст ва суҳбат бо мутахассисони тиб танҳо ба хотирест, то донишҷӯдухтарон аломатҳои ин ё он бемориро дониста, сабабҳои гирифторӣ ба онро пешгирӣ кунанд.Мудири шуъбаи репродуктивии хайрхоҳона ба кӯдакон ва духтарон Дилором Мирзоева омилҳои асосии сар задании бемории саратони синаро шарҳ дод. Мавсуф бо ишора ба он ки шояд ба хотири ошкор нашудани беморӣ байни дӯстон ва шарм на ҳамеша ҷавондухтарон ба духтурон муроҷиат мекунанд, аз кушода шудани утоқҳои махсуси хайриявӣ дар дармонгоҳашон дарак дод. Ӯ гуфт, ин утоқҳо барои духтарони аз 10 то 25-сола буда, ба таври хайрхоҳона ва махфӣ ба мизоҷон хазмати худро мерасонанд.Д. Мирзоева зикр кард, ки ин тасмим ба хотире роҳандозӣ шудааст, ки ҷавондухтарони мо дониши репродуктивии баланд дошта бошанд ва аз касалиҳои саратони сина худро эмин нигоҳ доранд. Дар ин бора ба хабарнигори АМИТ «Ховар» котиби матбуотии донишгоҳ Бахтиёри Абдураҳим иттилоъ дод.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






