Дар Хоруғ даъвати баҳорӣ муътадил аст

Хоруғ, 15 апрел. (АМИТ «Ховар», Ҷангибек Улфатшоев).- Имрӯз бо иштироки раисони ноҳияҳо, роҳбарони комиссариатҳои ҳарбии вилоят, шаҳр ва ноҳияҳо дар назди раиси вилоят Қодири Қосим машварати корӣ баргузор шуд. Раисон ва комиссарҳои ҳарбии шаҳру ноҳияҳо оид ба ҷараёни иҷрои нақшаи даъвати ҷавонон ба сафи Қувваҳои Мусаллаҳи Ҷумҳурии Тоҷикистон ҳисобот доданд. Зикр гардид, ки маъракаи даъвати баҳорӣ ба хизмати ҳарбӣ муътадил аст. Роҷеъ ба баъзе масъалаҳои мавҷуда раиси вилоят ба раисони шаҳру ноҳияҳо супориш дод.