Дарёфти манфиати бештар аз узвият дар СҶТ

Апрель 2, 2013 12:00

Душанбе, 2 апрел.(АМИТ “Ховар”, Марзия Саидова).- Расо пас аз як моҳи қабули расмии Тоҷикистон ба Созмони ҷаҳонии тиҷорат /СБТ/ Маркази байналмилалии тиҷорат /МБТ/ роҳбарони доираҳои соҳибкории соҳаи мухобироти кишвар ва коршиносони соҳаро дар як давраи омӯзишӣ дар Душанбе гирди ҳам меорад, то роҳҳои нафъбардорӣ аз узвияти Тоҷикистон дар СҶТ ва посух ба чолишҳоро баррасӣ намоянд. Давраи омӯзишӣ таҳти унвони «Дарёфти манфиати бештар аз узвият дар СТҶ –уҳдадориҳо ва озодсозиҳо дар соҳаи хидматрасониҳои мухобиротӣ» рӯзҳои 2 ва 3-юми апрели соли равон дар чаҳорчӯбаи лоиҳаи «Иҷрои талаботи СТҶ ва огоҳии доираҳои тиҷоратӣ аз шароити узвият ба он» баргузор мегардад. Лоиҳаи мазкур аз ҷониби Идораи давлатии Швейтсария дар умури иқтисод (СЕКО) маблағгузорӣ мешавад. Намояндагони ниҳодҳои марбутаи давлатӣ, ширкатҳои мобиливу интернетӣ, иттиҳодҳои тиҷоратӣ, СЕКО, СТҶ, МБТ ва созмонҳои дигари байналмилалӣ дар давоми давраи омӯзишӣ низоми тиҷорати хидматрасониҳои мухобиротӣ дар доираи СТҶ, уҳдадориҳои Тоҷикистон дар ин замина, ва таъсири узвияти кишвар дар СТҶ ба ширкатҳои мухобиротиро баррасӣ менамоянд. Интизор меравад, ки Ли Татҳил аз СТҶ иштирокдорони давраи омӯзиширо бо муҳтавои умумии қоидаҳои калидии СТҶ дар мавриди хидматрасониҳои мухобиротӣ шинос хоҳад кард. Ӯ таваҷҷуҳи ҳозиринро ба манфиатҳое, ки аъзои СТҶ аз ислоҳот ва озодсозӣ (либерализатсия)-и соҳаи мухобироташон бардоштаанд, ҷалб хоҳад кард. Хонум Татҳил мегӯяд, «тавоноии бахши хусусӣ барои истифода аз имконоте, ки чунин низом медиҳад, дар бисёр мавридҳо, аз иҷрои ислоҳоти дохилӣ аз ҷониби ҳукумат бо ризоияти якдилонаи ҳамаи ҷонибҳои манфиатдор – соҳибкорон, муштариён ва ироагарони хадамоти мухобиротӣ вобаста аст. Аъзои СТҶ талош мекунанд, то шароитеро барои соҳибкорӣ фароҳам биоваранд, ки сармояи хусусӣ ба иқтисоди дохилӣ ҷалб гардад».

Апрель 2, 2013 12:00

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд