Донишҷӯёни макотиби олӣ сомона тарҳрезӣ мекунанд
Душанбе, 4 апрел (АМИТ «Ховар»).- Ширкати «МегаФон» ва Вазорати маорифи Ҷумҳурии Тоҷикистон барои пешниҳоди сомонаи беҳтарини «МегаДонишҷӯ» озмун эълон кардаанд. Мувофиқи шартҳои озмун донишҷӯёне, ки аз рӯйи ихтисоси «Информатика ва барномасозӣ» таҳсил мекунанд, бояд сомонаеро тарҳрезӣ кунанд, ки он барои ҷамъи донишҷӯён манфиатовар ва ҷолиб бошад. Дар озмун донишҷӯёни 6 мактаби олии кишвар иштирок хоҳанд кард: Донишгоҳи миллии Тоҷикистон, Донишгоҳи давлатии омӯзгории ба номи Садриддин Айнӣ, Донишгоҳи техникии Тоҷикистон ба номи академик М.С. Осимӣ, Донишгоҳи славянӣ, Донишгоҳи технологии Тоҷикистон ва Донишкадаи соҳибкорӣ ва хизмат. Корҳои анҷомёфта аз рӯйи меъёрҳо: дизайн, ҷолибият, маълумотнокӣ, маҳорати муаррифӣ, техникаи иҷро баҳогузорӣ мешаванд. Ба ҳайати ҳакамон намояндагони Вазорати маорифи ҷумҳурӣ, ширкати «МегаФон», ҳамчунин мутахассисони пешбари соҳаи технологияҳои иттилоотӣ дохил хоҳанд шуд. Муаррифии лоиҳаҳо 18 апрел дар доираи лоиҳаи «МегаФорум», ки аз ҷониби ширкати «МегаФон» се сол инҷониб баргузор мешавад, сурат хоҳад гирифт.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






