Э.Раҳмон: «Тоҷикистону Ҳиндустон дар масоили амниятӣ назари муштарак доранд»
Душанбе, 15 апрел (АМИТ «Ховар»).- Тоҷикистону Ҳиндустон оид ба масъалаҳои амнияту субот ва ҳамкории минтақавӣ назари муштарак ва ё наздик доранд, таъкид дошт Президенти Тоҷикистон Эмомалӣ Раҳмон имрӯз пас аз анҷоми музокироти байнидавлатии Тоҷикистону Ҳиндустон дар шаҳри Душанбе.Сарвари давлат таъкид намуд, ки сафари мазкури Ноиби Президенти Ҷумҳурии Ҳиндустон Муҳаммад Ҳамид Ансорӣ идомаи муколамаи байнидавлатии роҳбарияти ду кишвар аст, ки марҳилаи муҳими он моҳи сентябри соли гузашта дар чаҳорчӯбаи сафари давлатии Президенти Ҷумҳурии Тоҷикистон ба Ҳиндустон амалӣ гашта буд. Ин муколамаи сиёсӣ дар сатҳи олӣ ва баланд хислати мунтазам дошта, бад-ин восита ҳар ду ҷониб ният доранд, ки ба муносиботи дорои анъанаҳои дерини таърихии миёни кишварҳоямон нерӯи тоза бахшанд. Президенти Тоҷикистон Эмомалӣ Раҳмон зикр намуд, ки ҷониби Тоҷикистон ҳамоно хоҳони ба сатҳи сифатан наву баланд баровардани ҳамкорияш бо Ҳиндустон дар соҳаи ҷалби сармояҳо мебошад. -Мо омодаем, ки фаъолияти сармоягузорони Ҳиндустонро дар ин соҳа минбаъд низ пуштибонӣ намоем, -таъкид намуд Сарвари давлат. Дар раванди музокирот ҳар ду ҷониб зарурати густариш ва таҳкими ҳамкории минтақавиро таъкид намуданд. Дар ҷараёни мулоқот ва музокирот мавзуоти муҳими минтақавӣ мавриди баррасӣ қарор гирифтанд. Бояд махсус таъкид намуд, ки Тоҷикистону Ҳиндустон оид ба масъалаҳои амнияту субот ва ҳамкории минтақавӣ назари муштарак ва ё наздик доранд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
