Фаъолияти ҲХДТ дар самти кор бо ҷавонон вусъат мехоҳад
Душанбе, 1 апрел (АМИТ «Ховар» Зарангези Латиф).- Имрӯз дар дастгоҳи Кумитаи Иҷроияи Марказии Ҳизби Халқии Демократии Тоҷикистон ҷаласаи Комиссияи доимоамалкунандаи кор бо ҷавонони назди КИМ ҲХДТ баргузор гардид, ки дар он ду масъала мавриди баррасӣ қарор гирифт. Дар кори ҷаласа муовини раиси ҲХДТ Асрор Латипов, раиси комиссияи мазкур Маликшо Неъматов, вакили Маҷлиси намояндагони Маҷлиси Олӣ Абдураҳмон Хонов, муовини аввали раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Кабирҷон Ҷӯраев, раиси Ташкилоти ҷамъиятии ҷвавонон “Созандагони Ватан” Адҳам Мирсаидов, ҳуқуқшиноси дастгоҳи КИМ ҲХДТ Абдулло Нуров ва аъзои комиссия ширкат варзиданд. Доир ба масъалаи якуми рӯзнома, ки баррасии санадҳои муҳокимашавандаи маҷлиси Раёсати КИМ ҲХДТ буд, раиси комиссия Маликшо Неъматов сухан карда, баъдан иштирокдорони маҷлис мулоҳиза ва пешниҳодҳои худро ироа намуданд ва қарор шуд, ки таклифу пешниҳоди комиссия ба кумитаи тадорукоти маҷлиси Раёсати КИМ ҲХДТ пешниҳод шавад. Аз рӯи масъалаи дуюм, яъне ҷараёни иҷрои Қарори КИМ ҲХДТ аз 20 апрели соли 2011 “Оид ба нақши ҷавонон дар таҳкими ҷомеаи шаҳрвандӣ ва масъулияти онҳо дар устувор гардонидани мавқеи ҲХДТ” гузориши раиси ТҶҶ “Созандагони Ватан” Адҳам Мирсаидов шунида шуд. Дар музокираи масъала Асрор Латипов, Кабирҷон Ҷӯраев ва Маликшо Неъматов ибрози андеша намуда, бобати вусъати фаъолияти ҲХДТ дар самти кор бо ҷавонон ва такмили кори ТҶҶ “Созандагони Ватан” таклифҳои худро манзур доштанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






