Форуми донишҷӯёни Тоҷикистон дар хориҷа

Душанбе, 19 апрел. (АМИТ «Ховар»). – Аз 26 то 28 апрели соли ҷорӣ дар шаҳри Одесса форуми беш аз 200 нафар донишҷӯёни тоҷики муҳассили донишкадаҳои олии Русия, Беларус, Туркия ва Украина баргузор мегардад.Мувофиқи хабари намояндаи Сафорати Тоҷикистон дар Украина, дар барномаи форум конфронси илмию амалӣ бахшида ба масоили иштироки мутахассисони ҷавон дар рушди саноат, энергетика ва коммуникатсияҳои Тоҷикистон, густариши ҳамкории гуманитарӣ ва иҷтимоию фарҳангӣ мақоми хоса дорад.Дар форум масъалаҳои таҳсилу зиндагии донишҷӯён мавриди муҳокима қарор гирифта, ҳисобот перомуни фаъолияти Шӯрои донишҷӯён ва ҳайати таҳририи маҷаллаи «Ватанпарвар» муҳокима мешаванд. Дар ҳошияи ин чорабинӣ мусобиқоти донишҷӯён аз рӯи 8 намуди варзиш ва фестивали фарҳанг баргузор мегардад.