Гўшаи фарҳангии Арабистони Cаудӣ дар Китобхонаи миллӣ
Душанбе, 2 апрел. (АМИТ «Ховар»).-Бино ба иттилои Сафорати Шоҳигарии Арабистони Саудӣ дар Душанбе рўзи 29 марти соли 2013 дар бинои Китобхонаи миллии Тоҷикистон гўшаи фарҳангии Арабистони Саудӣ расман ифтитоҳ ёфт. Дар маросими ифтитоҳи расмии гўшаи фарҳангии саудӣ шоҳзода Абдулазиз ибни Абдуллоҳ Оли Сауд- муовини аввали вазири корҳои хориҷии Арабистони Саудӣ, ки ҷиҳати иштирок дар ҳамоиши вазирони корҳои хориҷии Муколамаи Ҳамкории Осиё (ACD) рўзҳои 28 ва 29 март аз шаҳри Душанбе боздид ба амал оварда буд ва вазири фарҳанги Ҷумҳурии Тоҷикистон Мирзошоҳрух Асрорӣ ҳузур доштанд. Инчунин дар ин маросим Президенти Академияи илмҳои Тоҷикистон М. Илолов, Раиси иттифоқи нависандагон М. Бахтӣ, раиси Маркази исломии Тоҷикистон Сайидмукаррам Абдулқодирзода, шоирони шинохта Гулрухсор Сафиева ва Гулназар Келдӣ, олимону адибону зиёиён ва намоядагони сафоратҳо ва созмонҳои байналмилалии муқими кишвар ширкат варзиданд.Гўшаи фарҳангии саудӣ дар ошёнаи чаҳоруми бинои Китобхонаи миллӣ ҷойгир гашта, китобҳои дорои муҳтавои мухталиф бо забони арабӣ, маводи фарҳангии гуногун ва дастгоҳҳои компютериро фаро гирифтааст.Инчунин дар назар аст, дар ин гўша барномаҳои фарҳангӣ ва давраҳои омўзиши забони арабӣ роҳандозӣ шаванд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
