Хизмат шараф аст

Ҳамадонӣ, 13 апрел. (АМИТ «Ховар», С.Холов). – Имрӯзҳо дар шаҳру навоҳии минтақаи Кӯлоб маъракаи даъвати ҷавонон ба сафи артиши миллии кишвар идома дорад. Дар рӯзи нахустини даъвати имсолаи баҳорӣ ба комиссариати ҳарбии ноҳияи Ҳамадонӣ ихтиёран 40 нафар ҷавон ҳозир шуд. Маъракаи даъвати баҳорӣ ба сафи Қувваҳои мусаллаҳи кишвар идома дорад ва агар аз як сӯ масъулини мақомоти маҳалӣ ва комиссариатҳои ҳарбии шаҳру ноҳияҳо бо роҳандозии корҳои тарғиботию ташвиқотӣ дар таъмини сафи артиши миллӣ бо хизматчиёни ҳарбӣ саҳм гиранд, аз ҷониби дигар сол то сол беҳтар гардидани шароити будубоши аскарон дар қисмҳои низомӣ шавқмандии ҷавононро баҳри обутоб ёфтан дар хизмат дучанд мегардонад.