«Хово» ба Зарафшон афтид

Душанбе, 15 апрел. (АМИТ «Ховар», Баҳманёр Муродов).-Бино ба иттилои сомонаи расмии ВКД рӯзи 13-уми апрели соли ҷорӣ ронандаи мошини тамғаи «Хово», Маҳмуд Хоҷамов ҳангоми ҳаракат дар роҳи Айнӣ –Панҷакент аз уҳдаи идораи нақлиёт набаромада, мошини ӯ аз баландии 200 метр ба дарёи Зарафшон афтидааст. Манбаъ меафзояд, ки ин ҳодиса дар ҳудуди деҳаи Сиёвардани ҷамоати деҳоти Урметани ноҳияи Айнӣ рух дода, дар натиҷа худи ронанда ва мусофири мошини мазкур Хоҷаев Сафар Таварович, соли таваллудаш 1959, сокини ноҳияи Ваҳдат, ронандаи ширкати АООО «СИНЧАМ БСИН» бар асари ҷароҳатҳои ҷисмонии бардоштаашон дар ҷойи ҳодиса ба ҳалокат расидаанд.